自信心之王者-應屆港姐

嘩！真係剛才唔睇TVB都唔知又就黎選港姐。今年參選的佳麗真係四個字形容曬。唔係國色天香，都唔係傾國傾城。而係慘不忍睹。

但真係要多謝兩批不得不讚的兩批人為我地帶來了很好的娛樂。第一就係很有創意的娛記們，佢地幫一群準港姐改的代號真係好正...什麼風騷任葆琳、大汗徐淑敏、生鬚舒淇、油浸梁安琪。而最啜核就係女版許愿。似許愿已經唔係咩好事，好衰唔衰仲要係女人！啊！好不可憐呀！

勁就勁在，呢班準港姐面對千夫所指都仲可以極度自戀同自信....其中擦膠頭楊羚直情係自信王者！

主持人：你個綽號係咩呀﹖

擦：擦膠頭楊羚

主：你有冇唔開心呀﹖

擦：冇。

(我內心)：好野，夠豁達！

擦：我覺得都係一種讚美呀！

(我內心)：吓！你講錯定我聽錯呀﹖！

擦：因為楊羚都係個靚女呀！

嘩！大姐，你好野！完全係Think Positive！為香港發放前所未有的正能量LOR！雖然大會的改造未能令你化腐朽為神奇，但你的正能量為香港在金融海嘯打了一支強心針！

真係....勁！