英倫及花都九天奔走照

由於Facebook暫時未能登入，現上蛓精選照片以供大家先睹為快。遊記及金句錄將於不日之內火辣辣登場，敬請留意！！

辦公室常用語

以上呢隻歌好唔好聽真係見仁見智了，但原來D歌詞大家喺不知不覺間經常都會在OFFICE用到....

"Call 你 call 咗咁耐　四次你亦唔覆
實係做咗啲嘢　又怕我知道"

搵出面D人呢，有時真係難過搵Donald Trump、李嘉誠同奧巴馬個d大忙人囉！call到個電話爆炸都係voice mail，voice mail又唔覆，有時voice mail都full埋...email又唔check....唔知點先捉到佢。不過，根據個人經驗通常呢d人一定係有d人瞞住人，以致佢唔係好想覆你or唔想你搵到佢....即係佢地實係做左d野，又怕我知道！！

"成日唔搵　成日唔緊　成日話見但見一陣"
呢d咪老闆囉，成日唔搵，成日唔緊。都唔知佢地返工做咩，扮曬忙咁~之前成日起勢追人交野，整起左，咪又擺唙度。
"成日唔搵　成日唔緊"...頂!

"是但啦　算數啦　唔煩你啦"
對住d亂俾人做又hae人個d人....問佢地d野點做係多餘，因為佢地最叻就係答『吓』，『唔知wor』、『呢d野唔關我事wor』。對件事，呢d人對事係0幫助。問完，聽完....我的回應都係"是但啦　算數啦　唔煩你啦"

一隻咁少女的歌曲原來大人世界都用得著。聽日我地又要同同事jam歌了！

口罩現形記

反對D人濫用口罩，反對D人假惺惺！繼續撕破偶像假面具！！

機場現形記

請大家認清一名年48歲(極有可能報細數)的知名社會賢達之真面目。撕破偶像假面具！！

娛樂性之大爆發--全面開催!!!!

如果沒有她，大概我家昨晚會用少幾度電。因為沒有了她，我便會懶得去看香港小姐。說實，這位林小姐真的十分十分之爆！可謂史上最爆！問她俾人話似許愿有咩感受時，佢竟然(!)話好開心。話自己似佢的才華，俾人話似才子，好開心！Well....各位兄弟...你試吓話你的另一半，似許愿。我相信你需要的電話號碼係999 lor！呢位林小姐還真爆豁達耶！仲要話人地話佢係最靚(?)你真係信﹖！仲要話觀眾的掌聲係俾左一百分佢！(WELL....人地耍你JAR！咪咁傻啦你)...

好可惜...由於琴晚係選香港小姐，唔係選香港傳奇小姐，林小姐，最終空手而回。但佢的出現真係令我對港姐重拾興趣，極期待明年會出現女版林夕，後年出現女版Wyman，或者女版錢嘉樂就好了！！

毒癮再度發作....狂聽方大同

日聽夜聽....聽到識背！幾時開演唱會，我要睇睇睇！！！

飛一般的驚喜

自<<超人特攻隊>>後，己很久沒有進場看迪士尼電影了。趁著<<沖天救兵>>上映，還有3D版，就立即跑到電影院欣賞欣賞。

起初，有點擔心迪士民會唔會因為3D版關係而只顧賣弄畫功，而忽略劇本。幸好，這並不是事實。因為<<沖天救兵>>的剷本十分好，內容非常充實，而且發人心省。

當小弟看到卡叔翻閱其妻的<<我的歷險手記>>的時候，翻到<<我要做的事>>的部份，只是貼滿了一幀又一幀她的卡叔的生活照時。小弟真的十分感動，想到每個都市人都會有很多很多的夢想，每天都有無限樣要做的事。其實，我們想要做的事並不是遙不可及，反而是近在咫尺，你想要做的事就是每天可以跟自己所愛的人在一起。縱然，所做的事都是一些無無聊聊的事，但到夕陽之年的時候，我們也許跟卡嫂一樣，這些無聊事就是我們想做的事了。

最令人滾動的卡嫂的歷險手記最後一句『願你重新出發』。人總要往前走。勇敢的生存下去，才是愛你所愛的人。也許，這才是你所愛的人最想做的事。

人...無需要宏大理想，最需要的可能已在你的眼前。

誠意推介<<沖天救兵>>(Up)，原價正場：HKD85，但可收回到HKD120元的票價！

怪夢2個

醫生就人若熟睡，才會做夢。一晚有成唔知幾有多個咁話。人有時候會記得自己發過咩夢，只是人對那夢有較深刻印象。近來本人就做了2個怪夢。

夢之一
場景：母校之中四教室
人物：我(身穿短袖淨色恤衫，西衫AND皮帶)一群正襟危坐，身穿母校中學校服，但現實中素未謀面的莘莘學子。
經過：我走進教室，二話不說，打了一個手勢，示意學生敬禮。學生們也立即乖乖站立敬禮。真的好不威風。見他們案上都放了中史書(係我中三個陣用個本中史書)。於是，我就開始講書。瞬雷不及掩耳，我衝向一個學生，問：你知唔知清朝第一個皇帝係邊個﹖佢答：乾隆。(吓！好明顯冇溫書啦)我話：錯！係順治。之後，我就口若懸河般講了很多清史。此時，下課鐘響起。我再敬禮。然後，問學生舊年中史教到邊﹖學生回答：辛亥革命。....oh!真糗耶!教錯書！只好打圓場道：今堂溫故知新，下堂就教民國史。夢完。

夢之二
場景：小巴
人物：我，胡定欣之真身
場景：一開始就在小巴上，二人並排而坐。胡小姐之真身外望，並以其一襲長髮遮掩其面。然後，我跟她說：你很像胡定欣呀！她並沒有反應。我再大聲講：你好似胡定欣呀。都冇反應。我話：你認唔認同都應句好wor。之後，她才將悄臉轉過來。用湯盈盈的聲線(為什麼是湯盈盈﹖)說：係呀！好多人都咁講呀！我o了咀，說：你去整容整把聲呀﹖答：係呀！我覺得湯盈盈把聲好靚呀！(吓！are you sure?下次唱k，你要唱我們這一家主題曲lor)...well，夢中，我o咀，車子就開了！夢完。

我信人體是奧妙的！尤其是個腦！

再次笑到喊！！

笑死我啦！單手英！

Dress Code

雖然人地穿什麼上班，我無權干涉。但我認為衣著光鮮係對工作跟同事的尊重。

敝公司規定上班的Dress code係Causal！(Well，好一間懶係勁的美國公司)理論上Causal Wear更能突出個人風格。例如，有些設計團隊的同事的打扮雖說不上華麗，但令人看上去很順眼，很舒服。

可惜，本人並沒有如此眼福，每天都可以看到花生秀。因為圍繞本人身邊的Slide同事都係誤解了causal wear的意思。她們以為causal wear就是開睡衣派對。她們好些時候都穿上一般人在家準備就寑之時的服飾上班！

案件一

有一人穿上了一件紅黃色的T Shirt，穿上了一條舊牛仔褲。穿了襪子，但著拖鞋wor！唔係潮拖wor！係屋企菲律賓姐姐落街個d拖鞋。乍看一下，真係嚇了一跳！心裡暗想：receptionist沒上班嗎﹖怎地放了DHL的Courier入來﹖還有，DHL哪時換了制服?容許員工穿拖鞋出勤。後來，定了神才咽了下口水，說了聲早安。

案件二

另一人穿了一件購至裕民坊的Print Tee，一條短三個骨短褲，跟一對拖鞋(都係屋企印尼姐姐著落街去街市個type lor)！well well well！好不寒酸呀！那天，我真的不想望見好呀！

我想大家都係在一級寫字樓上班，她們這樣穿，難道真的沒擔心過會被保安員拒絕入內嗎﹖但另一方面，我又好欣賞她們不知哪裡來而無比的勇氣。

也許，我要學習她們的內在美！.....


忍不到了，我要吐呀！

黑店食肆--廣福村豪庭酒樓

本人吃好穿好，甚少會到屋村酒樓用餐。唯在母親極力推介下光顧了上述黑店。本文章旨在勸誡各街坊免墮陷阱。

是日早上約十時半，到達該黑店攞位。原來那裡是沒有Reception，是自助搵位！吓！我好耐未試過要自己搵位。行了一個圈，終於找到了位。但一直都沒有人來招呼，我只見三個侍應在不停地將我身邊大枱拆細枱。良久才有人問我要什麼茶。

茶來了，好戲上演了。那壺茶竟然是半滿架！而且是不熱的！好明顯係有人飲剩架！我真係開始火黎！喂大佬，我前世做過d咩壞事先﹖！殺你全家呀！我今世折墮到要飲人飲剩的茶呀！還是，你認為我係叫化子呀﹖我家陣係唔係冇錢俾而你要咁玩我呀﹖

好！俾次機會你！俾你換啦！換個陣，d態度唔好lor！唔想做，你可以同你老闆講換衫即走！唔好搵客人出氣呀！

d點心好快到！蝦腸唔熱！一夾就散！吃了一口就不再吃了。然後，我覺得好熱呀！原來無冷氣！頂！咩料呀！然後，我就問人可唔可以開大d冷氣。之後那人就說冷氣跳了掣。她走了，我以為她去找人重開冷氣！怎料她只是很忙地沒事忙！頂！再之後，部長來了。我問他冷氣怎麼了。他說冷氣壞了。妖！你有冇睇天氣報告，酷熱天氣警告呀！小心中暑！冇冷氣，點食呀﹖

一怒之下，我拂袖而去！

喂！你收得人$就要提供合理服務呀！如此黑店竟可生存至今。怪哉！怪哉！

我係才子﹖

大家用國語讀下個段新詩：

一段情 兩顆心 三個字 是我愛你
無聊時 就溜出去 期待每天在一起
巴不得 粘著你 就這樣的不分離
十全十美的愛情 從一到十等於我和你

我寫到上面呢段野就係才子....

可惜...我只是拾人牙慧。真正有才華的是黃義達。

誠意推介，合法下蛓范瑋琪<<1到10=我和你>>

記憶力之強

大家對烈火雄心的劇情都記憶猶新。小弟都係....不過我記得烈火雄心I的劇情。你地記唔記邊3個係當年男主角呀﹖你地又記唔記得佢地有咩劇中有咩外號呀﹖你地又記唔記得個結局呀﹖我竟然(!)記得曬WOR！

當年3個男主角係王喜、錢嘉樂同鄭敬基！佢地合稱『南山三虎』LOR。鄭敬基個角色叫司徒拔(原因：係佢阿爸當年唔識寫個萃字，所以冇叫佢司徒拔萃，就咁叫佢司徒拔)，長大後，司徒拔就被人戲稱Stupid了。

結局係司徒拔被飾演佢老婆的陳彥行(你地可能連佢的尊容都冇印象)騙了所有錢，然後跟佬走。0係一無所有加戴綠帽的雙重打擊下，司徒拔選擇了自殺的不歸路，還留下了遺書。

最後一幕係王喜同錢嘉樂上到司徒拔屋企，然後就係鄭敬基的voice over去解釋佢點解要自殺同點解叫做司徒拔。

我今日lunch食飯原原本本跟同事說起這些細節來。他們無不驚歎本人之記憶力，呵呵！之不過是98年的事....大家冇可能忘記的！

你地想唔想知大時代的劇情。歡迎大家同的傾呀。

自信心之王者-應屆港姐

嘩！真係剛才唔睇TVB都唔知又就黎選港姐。今年參選的佳麗真係四個字形容曬。唔係國色天香，都唔係傾國傾城。而係慘不忍睹。

但真係要多謝兩批不得不讚的兩批人為我地帶來了很好的娛樂。第一就係很有創意的娛記們，佢地幫一群準港姐改的代號真係好正...什麼風騷任葆琳、大汗徐淑敏、生鬚舒淇、油浸梁安琪。而最啜核就係女版許愿。似許愿已經唔係咩好事，好衰唔衰仲要係女人！啊！好不可憐呀！

勁就勁在，呢班準港姐面對千夫所指都仲可以極度自戀同自信....其中擦膠頭楊羚直情係自信王者！

主持人：你個綽號係咩呀﹖

擦：擦膠頭楊羚

主：你有冇唔開心呀﹖

擦：冇。

(我內心)：好野，夠豁達！

擦：我覺得都係一種讚美呀！

(我內心)：吓！你講錯定我聽錯呀﹖！

擦：因為楊羚都係個靚女呀！

嘩！大姐，你好野！完全係Think Positive！為香港發放前所未有的正能量LOR！雖然大會的改造未能令你化腐朽為神奇，但你的正能量為香港在金融海嘯打了一支強心針！

真係....勁！

分享

『你們當曉得耶和華是 神。我們是祂造的，也是屬祂的。我們是祂的民，也是祂草場的羊。』詩篇100:3

感恩。

面試

其實小弟經常聽見友人I的面見人的有趣、可笑、可怒的經驗。我真的好想也去Interview人，還記得當年小弟在舊公司人事部工作期間，都曾參與面試前線銷售員的工作。其中一個應徵者的表現至今仍歷歷在目。

我:你可唔可以自我介紹一下﹖

應：吓﹖

我:講吓關於你自己的野。

應(呆望一會)：係....

我(心想):係咩呀﹖(微笑)介紹你叫咩名，以前的工作，興趣之類呀....

(停頓十秒)

應：我叫xxx，之前係xx保險公司倏agent，無咩興趣。

我(心想):你冇野講就咪上黎in啦！(招牌式微笑)咁你對我地公司有咩睇法。

應：你地好有前景啦！冇咩競爭力。唔會太辛苦啦，打開門一定有生意走入黎。

我(心想)：吓﹖up咩春呀你....咩冇競爭存呀....好矛盾lor！

當下一刻，我真係好想爆粗！但公司流程上係規定要同應徵者進行角色扮演...即係我扮客，佢扮sales....今次真係有好戲睇！！

我：好，而家我有2隻戒指，一隻單頭，一隻開口。我係客人，你係sales，你嘗試向我推銷其中一隻。

應：即係我要買呀﹖

我(心想):####!!!!!@@@(微笑道):唔係呀，x小姐，角色扮演呀，拍戲呀！不過冇camera jar...同埋係你sell我...係都係我買啦！

ACTION!!!

我扮睇。

應：你想買野呀﹖

我：係呀....我想睇吓D戒指呀！

應(立即拎起單頭戒指)：呢隻好呀...

我(心想)：玩野呀...女裝黎GOR WOR！咩咁好呀﹖我：我自用WOR！

應：你試左先啦！

我(心想)：頂.....點試呀....我冇食十年隻都帶唔到啦吓話！我：ER....

應：你唔鍾意呀！

我：係...我想試吓隻開口戒呀！

應：你試左隻單頭先啦！

我(心想)：天堂有路你不走！

CUT!

我：今日Interview到此為止....遲d有消息會再通知你啦！多謝！

頂....浪費時間！

低B~

BMW

一定要睇曬成條片先知GAG位何在!!!

RAP

平時個D鬼食泥式航班宣佈實在我聽到識背。如果我搭個D可以咁樣RAP出黎，我會好開心LOR~....同埋我唔會一上機就訓LOR....

上水交通意外

喂！真係人神共憤LOR呢單野！喂！飲左咁多酒都去開車，即係等於殺人！而家死左6個人，影響6個家庭呀！佢點彌補呀﹖

其實，佢明知自己0個架係大車，一發生意外，對人對己都有好大的威脅。所以，佢比其他人更要小心駕駛。佢咁做係好不負責任。

而家人地奧巴馬都話係New Era of Responsibility啦。佢呢單野真係責無旁貸。因此，我認為法庭要從重量刑LOR！

魔笛一吹

吹一吹，就跌到66蚊！大摩的魔笛真係萬試萬靈。匯豐銀行都跌成咁。你都咪話唔驚！

本人有幸獲高人雲先指點，及早離場。真係平日做公事都冇咁聽佢話，呢D投資野都係即聽即做！咪話唔係朋友，唔同你地彈聲，09年上半年不要染指股票，匯豐銀行就唔好以為佢而家就係心動價LOR。揸中長線，小弟都係睇佢55-63先好入LOR！

本人並未持有以上股票。

09年第一笑彈之爆發全面開催

嘩！咩事呀﹖好搞笑LOR！做咩事先﹖娛樂大家呀即係﹖台上所有人的反應都好好笑！好有娛樂性！