納稅人問：他們學了些什麼﹖

考 評 局 報 告 ： 高 考 生 常 識 差 不 明 普 選 意 義
【 本 報 訊 】 考 試 及 評 核 局 新 出 版 的 考 試 報 告 指 出 ， 不 少 考 生 的 常 識 困 乏 ， 社 會 應 該 關 注 ， 今 年 高 考 中 鮮 有 人 能 夠 清 楚 說 明 普 選 的 意 義 ， 對 通 脹 、 安 樂 死 等 知 之 不 詳 。 報 告 也 指 考 生 的 中 文 字 寫 得 潦 草 難 辨 ， 多 年 來 沒 有 改 善 ， 直 指 是 電 腦 普 及 惹 的 禍 ， 提 出 學 界 應 重 新 將 「 寫 字 」 納 入 程 。

直 通 車 理 解 為 子 彈 火 車
今 年 總 結 會 考 生 和 高 考 生 表 現 的 考 試 報 告 顯 示 ， 會 考 中 文 科 小 組 討 論 方 面 ， 雖 然 考 生 壟 斷 發 言 的 情 況 不 多 見 ， 但 搶 先 開 口 、 爭 當 主 席 、 強 邀 發 言 、 指 名 作 答 、 機 械 回 應 、 胡 亂 總 結 ， 這 六 大 弊 端 較 去 年 嚴 重 ， 「 似 乎 是 受 到 某 些 『 應 試 指 南 』 的 誤 導 」 ， 結 果 搶 分 變 失 分 。
今 年 其 中 一 條 高 考 中 文 科 口 試 題 目 為 「 普 選 行 政 長 官 ， 跟 我 有 甚 麼 關 係 ？ 」 ， 報 告 指 「 鮮 有 考 生 清 楚 說 明 普 選 的 意 義 」 ， 說 話 內 容 空 洞 ， 見 解 淺 薄 ； 更 有 考 生 將 直 通 車 理 解 為 一 種 近 似 子 彈 火 車 的 發 明 ， 又 將 文 言 文 等 同 詩 詞 。
報 告 又 批 評 考 生 錯 別 字 嚴 重 ， 不 少 人 寫 了 非 規 範 簡 化 字 而 被 扣 分 。 不 少 閱 卷 員 批 評 考 生 字 體 潦 草 難 辨 ， 報 告 指 「 令 人 震 驚 」 ， 分 析 原 因 之 一 是 電 腦 流 行 ， 令 學 生 減 少 寫 字 ， 「 寫 字 問 題 應 該 重 新 提 到 語 文 學 的 日 程 來 」 。
英 文 科 方 面 ， 有 會 考 生 將 Victoria Harbour （ 維 多 利 亞 港 ） ， 寫 成 Victory Harbour （ 勝 利 港 ） ， 在 應 考 聆 聽 時 將 Thursday （ 周 四 ） 當 作 first day （ 首 日 ） 。 會 話 考 試 時 ， 有 考 生 理 解 錯 誤 ， 如 被 問 及 「 你 想 做 明 星 嗎 」 時 ， 竟 答 「 我 喜 歡 陳 慧 琳 」 。 報 告 又 指 ， 高 考 生 簡 單 如 frogs 和 snake 也 串 錯 ， 口 試 時 將 warm （ 暖 ） 讀 成 wrong （ 錯 ） 。
資 深 英 文 科 師 周 蘿 茜 指 出 ， 學 生 常 使 用 電 腦 固 然 令 他 們 的 字 體 欠 佳 ， 電 腦 軟 件 可 自 動 檢 查 英 文 串 字 及 文 法 ， 也 令 他 們 的 基 本 功 變 差 。


考 評 局 評 語 文 科 考 生 表 現
科 目 ： 中 文
會 考 ： 聆 聽 能 力 考 試 ， 常 誤 解 說 話 者 原 意
會 考 ： 閱 讀 理 解 太 多 錯 別 字 ， 字 體 太 潦
高 考 ： 口 語 小 組 討 論 時 ， 有 搶 先 開 口 、 機 械 回 應 、 胡 亂 總 結
高 考 ： 說 話 能 力 測 試 中 ， 將 「 獨 處 」 理 解 為 獨 到 之 處

科 目 ： 英 文
會 考 ： 作 文 卷 將 Victoria Harbour （ 維 港 ） 錯 作 Victory Harbour （ 勝 利 港 ）
會 考 ： 作 文 混 淆 常 用 字 ， 如 wear （ 戴 、 穿 ） 與 carry （ 帶 ）
高 考 ： 會 話 測 試 常 有 背 誦 公 式 化 短 句 ， 如 I agree with you （ 我 同 意 你 ）
高 考 ： 聆 聽 考 試 不 懂 串 簡 單 生 字 ， 如 frogs （ 青 蛙 ） 、 snake （ 蛇 ）

資 料 來 源 ： 考 評 局 考 試 報 告

10月31日蘋果日報

香港教育出左咩問題呢﹖我地D新一化做咩搞成咁﹖

先別談學生們常識水平，先講講語文。喂。中七啦！升大學啦！唔識Frogs點串﹖讀咩架﹖Victoria Harbor---香港最知名的海港…點解唔識串。咁Kowloon同New Territories都唔慌識啦！哎呀！真係搞咩鬼呀！寫唔掂。好，睇吓你地聽唔聽得掂﹖人地問你『Do you want to be a pop star?』你答『I like Kelly Chan』把鬼呀﹖九唔搭八…得！知你係Kelly fans，但真係唔該答我問題啦！真係好似問你『食左飯未﹖』你答我『我沖左涼啦！』吹脹！講唔掂！ok！算！睇吓你地d人聽唔聽明我講咩﹖喂！Thursday同first day都差好遠呀個音！咁我又想問吓佢地『first day之後係唔係fine day呀﹖』
冇樣掂！學咁多年英文學左d咩﹖學左d咩﹖

唔識英文，講中文。母語，應該好d！不過，真係唔好意思！佢地都唔係好好！因為佢地真係0知識！喂！叫佢地討論咩鬼普選呀﹖教吓佢地咩叫子彈火車、火車、電車同地鐵有咩分別先啦！我同你班中五生，出年必出，請你地絞盡腦都諗吓呢個值得世人都要反思的問題！話唔定考到5星之餘，仲會拎到個諾貝爾文學獎添！

壟斷發言的問題就係死症啦！咁多年d人都係咁架啦！即係我覺得d人壟斷發言都唔係咩問題，如果佢地有point的話！

年青人，多閱讀，多讀報，多思考，勤力點！語文科，並不可怕！而且學到的，相信我，是一生受用的！

南柯一夢

今日恆指以萬四點收市，可算是十月跌市浪潮中的奇蹟日。但原來去年今日恆指以三萬一千點收市，也是股市的奇蹟日。

2008年跟2003年不同。2008年是大起大落的一年，在年頭時，大部份人都為了像火箭一樣的股市著了魔。當時，沒有人會預期熊市會在08年降臨。說實的，當時，我估計08年秋天，股市會跌，但我想也想不到市況會如此的ROCK！！港人平均燒了22萬港幣。

驀然回首，令我想起了一句話

The harder you fall, the higher you jump

人生有起有跌。點解﹖因為你有起過，先會跌。你一開姑的時候起，你就有會有一日會跌。

我又想起我經常同人打趣的說『TVB的劇，睇佢第一集，你都知最後個集會講咩！』...正所謂戲如人生。如話唔好聽，你出生個日都知你有一日會死啦！你所見的事都係果，果係因之前的因而起，而現在果又係未來的因，周而復此。

這件事正好說明了世事都只不過係鏡花水月，虛空的總歸虛空。歌舞昇平到頭來也只不過是南柯一夢。做人還是淡薄自甘，知足安份，那就好了！

不過做人又不要太消極，一日在地上，，我地都係管家，都要盡忠。始終一日都要向上主交賬的。

心水推介

大前提，大家有閒錢不況趁低位，做返D長線投資。

匯豐銀行，雖然受歐美及新興市場經濟衰退影響，而被睇淡，但匯豐銀行的貸存比率高。加上人始終要食要穿，要用銀行。業務預計可於經濟復甦之時，重整旗鼓。加上之前超賣。大家可於88-93HKD購入作長線投資。3-5年都應該OK！

九巴，如果你相信本地公司有Internal Control的話，加上你相信油價唔會大升的話。絕對可以吸納作為收息之用。

金。大家真係應該買金。因為實物最保值，而且金只會愈來愈少，價只會升。大家到心水價可以購入。

以上所有野都係個人意見。投資所有野都會有升有跌。Make decision前，要自己考慮清楚。本人亦無持有以上股票及相關投資工具。

與毒同行

各位流感傷風患者：

係你傳染我架！

我真係想好似鄭嘉穎咁嗌出黎！

我唔想病呀！頂！

好好聽

瘋狂地聽周杰倫，新舊都聽！

舊歌中的最愛


新歌中--我的NUMBER 1，也是各大中港台三大地方CHART的NUMMBER 1

小學Interview

Boss成日都要同個仔去IN小學，我一直都唔知個D interview考D咩。我未問Boss d小學考佢個仔d咩。我成日以為會考d好深的野，我又諗如果我去考要點答個d問題~

例一
Teacher:"If you were Barack Obama, what would you do now?"
Wallace:" I would figure out how I can quit the election campaign."


例二
Teacher: "Please invent something that can improve the livelihood of human?"(Hey, the teacher needs to make sure her pronunciation is correct)
Wallace: " hummm, i would invent an equipment that transfer to "P" to one body to another one when that guys really want to "P" while he is busy...."


總之就係以上此類，問完0個個都唔知自己問咩，答完0個個唔知自己答咩的問題！但原來問的問題係好簡單...

『蘋果係咩色呢﹖』

想知正確答案，請留意朋友BLOG啦！

香港家書

喂！呢期在街上都見到香港D人苦DEL DEL咁。大抵是金融海嘯的現象。我同大家一樣作為一個打工仔同小投資者，都係一名『小苦主』。但大家想深一層唔跌都跌左啦！苦DEL DEL都係冇用！不如大家同我一樣搵D野笑吓啦！同埋唔好想太多！身心靈都要有滿足唷！

想送大家一句，我十分喜愛的聖經金句：

『喜樂的心乃是良藥，憂傷的靈使骨枯乾。』

共勉之。

推銷電話

D銀行久唔久都會打電話黎問你要不要借錢云云...在金融海嘯前，對話係咁：

銀行：『X先生，你係我地XX銀行的特選客戶，我地特別為閣下...』

X先生：『得啦！BYE BYE!』

金融海嘯後就係咁：

銀行：『X先生，你係我地XX銀行的特選客戶，我地特別為閣下準備一筆預先批核貸款。』

X先生：『聽聞你地銀行唔掂WOR。我會返錢錢錢俾你地頂住先呀！』

無聊想法一則，大家可以甭理會。

Fake President - Paris Hilton

"Preparty before party after the party i going for".....haha

"Fo Po"....haha

"Ask MC Hammer" hahahahaha

My fellow Americans, there is no differnce between Barack Obama, John Macain and Paris Hilton. Let cast your fake vote on Nov 4,08.

我15吋腰嗎﹖

上星期被公司委派到荃灣工作。跟平常在觀塘不一樣，下班時，可以到總站上車。

不知九巴開個什麼玩笑，當天派來了一輛滿殘舊的三坐位巴士。我上到上層見到邵些3座位真的窄得不能再窄。於是，我就走到最尾一排安坐。

怎料我差些下不到車。原因是前面有好幾行都坐滿了男乘客(是那些孔武有力的壯男)....可憐的他們...5個人坐在那可憐的7呎地....逼在一起...連通道位也阻住了。他們也不好意思，奮力地轉身、閃身、縮賻。幾經辛苦下，才擠出丁點空間讓我下車。

我下車後，我真的很不明白九巴為何還有這種車。他們認為1個正常身型的男人可以通過坐滿了5個大男人的通道嗎﹖難道他們認為我只有15咐腰嗎﹖

三號強風信號

打工仔天文台已發出3號強風信號。請各打工仔做好防風措施，免招損失。同時，海面上已有暗湧，各打工仔請遠離岸邊，停止一切水上活動(如辦公時間內釣魚、茶水間吹水、以私人電話滑水及以互聯網上吹風吹水。)

由於風暴預料會進一步逼近，打工仔應保持警惕及留意天文台每小時更新之風暴消息。

可憐的白鴿...Peace No War!!!

....噴笑！！！可憐的白鴿都算有人收屍

此風不可長之安信兄弟

近呢幾個月，無時無刻電視台，電台，互聯網，報紙，雜誌都充斥著安信兄弟、花旗財務、UA、CG等叫人借$$的廣告。

小弟認為借貸活動係資本經濟正常不過的事。但上述公司的廣告背後所宣揚的價值觀實在是要不得。

廣告針對的是一班已經欠下一筆超愈自己所能負責的卡數or債項。說實，如果客戶想誘過此類公司延長還款期，實在可以勉強稱為債務重組。惟此類廣告背後鼓吹的是入息不足以清還債項時，可以透過繼續借貨去消費。實在太可怕了！這只會做成病態購物狂，令人泥足深陷！還一世都還唔完的債。產生更多社會問題！

唔係唔准靚。扮靚本身絕對冇問題。但當姐姐仔你自己欠下一筆卡數，扮都扮得量力而為。收數佬追上門個陣唔會因為你靚而免你的債架！冇債主會因為你靚而可憐你架。你冇$$，炭都冇人賒俾你燒呀！就算你死，安信兄弟都唔會做帛金俾你架！

各迷徒，好心就同我清醒d啦！

追巴士

吳小姐常言『我地的身份係唔應該追巴士。』其實，我都唔知自己咩身份，亦都唔知為什麼我不能追巴士。只知在吳小姐的潛移默化下，都不再追巴士了。

但我每天下班後，經過觀塘道都會俾一群追巴士的人撞到。有時，真的覺得自己好似美式足球員，一日俾人撞幾次。

到了剛過去的星期一，我忍不住了。我不停地想『他們追的是尾班車嗎﹖九巴是不是開埋那班之後就要執笠嗎﹖是不是他們上不到那班車後，就要行路回家嗎﹖』

有人可以解答嗎﹖

我要食咩好﹖

小弟對食有要求，但不至於揀飲擇食。但近來真的吃什麼好。小弟得一個煩惱，都要多謝偉大祖國。

佢地的劣質品真係多不勝數。你講的出的有，講唔出的都有。黑心棉啦，假橙啦，假手袋啦，假乳鴿啦，假雞蛋啦.....真係.....今次仲要衰到加料！仲要衰到0係三聚清安都加奶粉！仲要係大品牌！！

喂，即係咁....我覺得咁樣加料法等於係存心害人！你明知D野食左有害GER，你都賣俾人，即係行騙加謀殺啦！喂，我信你，先買你D野JAR！你出賣我對你的信任！好卑鄙，好可恥LOR！！仲要衰到人地新西蘭通知左你地省政府....你地都唔收返D毒奶！要人地總理同你地總理講，你地先ACTION！可恥！

你地大陸一孩政策，你地都做人父母架！喂，大人飲左都話飲多2杯水可以可能希望冇事呀！BB唔識講架！人地冇左個仔，你地D奸商又訓得著﹖非常可恥！！可恥！

其實，點解大陸會有咁多劣質產品﹖係因為大陸多劣質人！佢地劣質係因為佢地對人的生命唔尊重！為左搵快錢，就咩到做得出！

我當日見到火箭上太空....我見到的係有人搵錯條路。大國崛起，唔係睇Hardware，係睇software 的！！

仲有送多佢地一句『害死最多中國人的係中國人自己！』

搵10蚊，洗11蚊﹖！

真係呢個股金匯好似本人體重一樣暴跌唔止，仲要有排都唔會見底。美國的次按問題引起是次的軒然大波。究其原因並非單純金融制度的漏洞，而是美國人的劣根性。

我並不是一個Racist，但我認為亞洲人的理財哲學是較歐美人士可取(尤其是美國人)。由細到大，媽媽都教落，『搵十蚊，洗七蚊就好了』，仲有『家有兩千，日日二錢』，『好天搵埋落雨柴』。亞洲人再大洗，點都會積返個錢，至少都唔會先洗未來錢。

相反，眾所周知，美國人出名大洗，搵十蚊，洗出個十一蚊0個個都叫慳仔慳妹。(唔信的話，大家可以搵吓美國人的儲蓄率，就可略知一二了)。而家個個美國人都欠落一筆數，次按就爆煲。0個個Republican副總統侯選人仲要話人地Wall Street的大班好說D客借300萬買一楝美國一般人負擔不起的樓。

我心想，姐姐，唔好低能啦！喂！人地打開門口做生意，係做Mortgage的，咁人地都要搵食，實要說你架啦！咁你唔係人地SELL你咩，你就要多多錢都借去買樓呀！你係唔係都要考慮吓自己有冇能力供滿層樓先借呀！仲要而家你真係有問過人借錢，你地要你還都好天經地義呀。仲有你地D供唔掂層樓，一個供唔到，兩個又供唔到....搞到人執笠呀！

就係D美國人先洗未來錢啦！搞到而家咁呀！出年都唔知咩市況。佢地今次唔只累死佢地自己美國，全世界D人都陪佢地活受罪呀！

阻人發達就尤如殺人父母。要其他人陪佢地輸錢，猶如殺人全家！